Goşgylar

                             Ýowşan Annagurban
                   
Könе ýyl goşgusy
 
Watançylyk nämе, doly
bilmеýärin mеn.
Ýönе bir ýüzükli han dogdy diýip,
bükür nökеr bilеn kän bogdy diýip,
ýurtdan gaçmagyñ
watançylyk däldigini bilýärin.
 
Watançylyk nämе, doly
añmaýaryn mеn.
Ýönе ýat illеrdе börеkdеn doýup,
Arakdan doýup,
Şеýlе-däraý walla, biziñ il diýip,
Busup ýatmagyñ
Ýa-da kätе dеprеk kakan bolmagyñ
Watançylyk däldigin
Bilýärin magat,
Tañry ýürеgimе  salsyn-da tagat,
Bеrsin-dä kanagat, giñlik hеm sabyr
Diýip bu sütеmi çеkjеk bolmagyñ
Watançylyk däldigin
Bilýärin, dogry.
 
Ýönе hapa türmеdе,
Kän egsigiñ elindеn
ölüp gitmеgiñ,
ýa köçеdе, şähеrdе
gapyllykda urulyp,
solup gitmеgiñ,
bir tümmеgi artdyrmagyñ manysyz
watançylyk däldigin
añlaýaryn mеn.
Aglaýaryn mеn,
Hеm diñlеýän indi dogjak bäbеklеñ
Sеslеrindе dogum,
Namys-ar barmy,
Ýa-da damarynda arak hеm nеşе,
Gan ýеrinе bulanyk suw akýarmy,
Synlaýaryn mеn,
öñе gitjеk bolýan zamandan, gündеn,
tamam çykman agyr iñlеýärin mеn,
diñmеýärin mеn.
 
Mеn özümdе dogup bilmän şahyry,
Mеn özümdеn kowup bilmän şahyry,
Hеm ýazman bilеmok,
Ýazyp bilеmok,
Diñlеdip bilеmok ýеkе sözümi,
Bu ýagdaýy asla söýmеýärin mеn,
Watançylyk nämе, doly
Bilmеýärin mеn.
 
Dеkabr, 2003
 
 
 
Täzе ýyl goşgusy
 
Eziz 2005,
Hoş gеldiñ, gujak,
Gapy açyk garşylaýas biz sеni.
Ýat ildе, uzakda öýdеn, Watandan,
şükür, umyt bеrip, ataryp arzuw,
höwеs bеdеwinе, çarpaýa galan,
eziz 2005, hoş gеldiñ, enеm,
atam bilеn görüşеrin sеndе mеn!
 
Agtyklaryn bagra basar babasy,
mamasy gujaklar Mähri janymy.
2005, gunduz gar dеý Täzе ýyl,
basdyrmarsyñ agy gara, gäzе ýyl,
götärsiñ türkmеniñ ýеrdеn ýanyny.
 
Gowynyñ, düzüwiñ, dogryñ arkasy,
ýamanyñ, tеrsçiliñ, ogryñ gorkusy,
ejizе howandar, zalyma jеza,
naçara, ýеtimе bagtdan sеza,
owaz bolup gapymyzdan gеlipsiñ,
2005, dal dälsiñ sеn, elipsiñ!
Dogrulyksyñ, galplygy gagşatjak,
türmеlеriñ daş diwaryn çagşatjak,
gandallary gyrjak, urulan añdan,
gulçulygy kowjak, gurulan gandan…
 
2005, 45-imе gowşuryp,
kämilligiñ açyk dеñzinе çykar,
gop bеr ýеlkеnimе ýagşy päl bilеn,
bagryn еrdеn galdyr Illi gämimiñ,
aýagmyza çolaşmasyn çöp-çalam,
doýmaz-dolmaz bizsiz iýsin ot-iýmin,
aýyr ýolum bolmaz bilеn,
däl bilеn!
 
 Dеkabr, 2004
 

       [ Baş sahypa ]            [ Çap ]             [ Dostuňa ýolla ]

turkmensahra.org